CNN Эрон Ислом Республикаси ҳарбий ракета дастури доирасида ишлатиладиган ёнилғининг асосий моддаси ҳисобланган, Хитойда ишлаб чиқарилган 1000 тонна кимёвий модда олиб кетаётган икки кемадан бири кеча мамлакатнинг Бандар Аббос портига етиб келгани ҳақида ёзди. Демак, ўтган йил Исроил томонидан йирик заводларга уюштирилган ҳалокатли ҳужумлардан сўнг ракета ишлаб чиқариш дастури одатий режимга қайтган бўлиши мумкин.

Европадаги икки хил разведка маълумотига қараганда, Голбон кемаси уч ҳафта олдин ХХР Тайсан портидан жўнаган. Юк – натрий перхлоратнинг аксари ўрта масофага мўлжалланган анъанавий ракетани қувватлайдиган қуюқ ёнилғи ишлаб чиқариш учун асосий хом ашё ҳисобланади.

Бу модда Ҳайбар Шикон ракеталари учун 260 га яқин оғир ракета двигатели ёки 200 та Ҳаж Қосим баллистик ракетаси учун етарли ёнилғи ишлаб чиқариш имконини беради.

Исроил октябрь ойида Эронга ҳужум қилгандан кейин баъзи Ғарб экспертлари қуюқ ёнилғи ишлаб чиқаришни қайта тиклаш учун камида бир йил кераклигини айтган эди. Бугунги ҳолат эса “оёққа туриш” тезлашганини кўрсатмоқда.