Маълумки, халқаро амалиётда инаугурация маросимида иштирок этиш учун турли мамлакатлар раҳбарлари, парламент спикерлари ва бошқа расмийларни таклиф қилиш одат тусига кирган. Эрон Ислом Республикасининг тўққизинчи Президенти Масъуд Пезешкиённинг бугун бўлиб ўтадиган инаугурациясига 80 давлатдан делегация, жумладан 11 парламент раиси, 4 спикер ўринбосари, 4 Бош вазир, 2 нафар Президент ва бошқа кўплаб юқори мартабали мулозимлар иштирок этиши кутиляпти.

Албатта, бундай тадбирда хорижлик расмийлар қатнашиши мажбурий эмас. Бу шунчаки муайян мамлакатга ҳурмат белгиси.  

“ИРНА” қайд этишича, Эрон Конституцияси 121-моддасига кўра, Президент қасамёди парламент очиқ мажлисида Суд ҳокимияти раиси ва Ҳомийлик кенгаши аъзолари иштирокида ўтказилиши керак.  

Олий раҳбар Оятуллоҳ Али Ҳуманаий 28 июль куни сайланган президент Масъуд Пезешкиённи лавозимига тасдиқловчи фармонни имзолади.