Эрон ўзининг илк гипертовушли баллистик ракетасини яратди, деб баёнот берди Эрон ислом инқилоби қўриқчилари Корпусининг ҳаво-коинот кучлари қўмондони Амирали Хажизада. Унинг айтганларини Tasnim агентлиги қуйидагича келтиради:

"Ушбу янги қурол ракеталарга қарши мудофаанинг барча тизимида текширувдан ўтказилади".

Унинг таъкидлашича, янги ихтиро душманнинг ракетага қарши тизимини йўқ қилиш учун яратилган. Мамлакатда бундай қуролнинг пайдо бўлиши ракетасозлик соҳасида катта сакраш ҳисобланади.