Эрон расмийлари уранни бойитишни тўхтатиб туриш, захиранинг бир қисмини чет элга кўчириш ва АҚШ томонидан Эронга ҳужумнинг олдини олиши мумкин бўлган ядровий музокара масаласини илгари суриш учун бизнес битими тузишни режалаштирмоқда.

Икки давлат дипломатлари сўзларига кўра, Ислом Республикаси юқори даражада бойитилган уран захирасининг бир қисмини Россияга юборишга тайёр. Бундан ташқари эронликлар жараённи уч йилгача тўхтатиб туришга ҳам розилигини айтган.

Маълумки, Теҳрон июнь ойида АҚШ ҳужуми оқибатида асосий ядровий иншоотлар ишдан чиққач, уран бойитилишини тўхтатган.

Экспертлар айтишича, февраль ойи бошида бўлиб ўтган биринчи учрашувда Эрон ўзи фойдаланиши мумкин бўлган бойитилган уран ёнилғи қурилмаларини ишлаб чиқариш учун минтақавий келишув гуруҳи тузишни ҳам таклиф қилган. Бинобарин, ҳозирча Ислом Республикаси АҚШ иштирок этмайдиган ички ишлаб чиқариш тизимини сақлаб қолиш фикрида собит, дея таъкидламоқда дипломатлар.

С.Раҳимов, ЎзА