Эроннинг қурол-яроғ экспорти 2022 йил март ойидан буён аввалги йилнинг шу даври билан таққослаганда уч баробарга ошди, деб баёнот берди Эрон мудофаа вазири ўринбосари генерал Сейед Мехди Фаррахий.

"Бизнинг мудофаа маҳсулотларимиз экспорти мунтазам ошиб бормоқда. Аввалги йил билан солиштирганда ўтган йили экспорт ҳажми уч баробарга ошди", – дея келтиради унинг гапларини IRNA агентлиги.

Вазир ўринбосарининг таъкидлашича, мамлакатда ҳарбий саноат комплексини жадал ривожлантириш бундан ўн йил аввал бошланган эди. Натижада ҳарбий машқларда маҳаллий ҳарбий техникаларнинг иштироки 10 фоиздан 93 фоизга ошган.

Эронлик генералнинг таъкидлашича, дунёда Эронга қарши кучларнинг кўплиги боис республиканинг мудофаа саноати хусусий эмас, балки ҳукумат қўлида бўлиши лозим.