“Мустақилликкача бўлган даврда театр ва кино санъати, шу билан биргаликда, ўзбек актёрларга бўлган муносабат қандай бўлган?”

Ушбу савол билан ЎзА мухбири Ўзбекистон халқ артисти — Эркин Комиловга юзланди. Устоз санъаткор узоқ ўйланиб, бир неча дақиқа сукут сақлади ва сўзларини тўрт қатор мисра билан шундай бошлади:  

Тирикмиз, товланган дурга ўхшаймиз,  
Гўё сўниш билмас нурга ўхшаймиз,   
Биздан аввал келганлар, кетганлар қани?  
Гўё икки кўзи очиқ кўрга ўхшаймиз...  

“Биз санъаткор сифатида кўп жойларга борамиз. Вилоятлар, туманлар,  қишлоқларда бўлиб, бўлаётган ўзгаришларни кўриб, мен ҳайратдан ёқа ушлайман. Яқинда Қорақалпоғистонга бордик, у ерда бўлган ўзгаришлар, яратилган шароитларни кўринг. Миллиард-миллиард пуллар қаерга кетяпти? Бу шароитларни яратишга ким буйруқ беряпти?  

Ўз еримиздаги бойликларимиз, ресурсларимиз яна қайтиб ўзимизни бағримизга тегмаяптими? Қисқа вақт ичида бунча янгиликлар қилиш жуда ҳам қийин”,  -  дейди актёр мамнуният билан.  

Шунингдек, суҳбат давомида Ўзбекистон халқ артисти “ҳатто бир пайтлар ўзбек бўлгани учун унга бош роль берилмагани, бош рольни ўйнаш ўзбек актёрлари учун орзу бўлгани”ни сўзлаб берди.

<iframe width="1280" height="720" src="https://www.youtube.com/embed/4DLnbiS7b2Y" title="Эркин КОМИЛОВ: “ЎЗБЕК БЎЛГАНИМ УЧУН БОШ РОЛЬ БЕРИЛМАГАН ЭДИ...”" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></iframe>

М.Эшмирзаева, Д.Якубов  (видео), ЎзА