Toshkent shahar Shayxontohur tumanidagi 362-referendum uchastkasida ovoz berish jarayoni davom etmoqda.

O‘zbekiston xalq artisti Erkin Komilov mazkur referendum uchastkasiga kelib, o‘z konstitutsiyaviy huquqidan foydalandi. 

–Bir paytlar e’tiqodi, ilmi, qarashlari uchun odamlar qatag‘on qilingan, – dedi E.Komilov. – Shunday zamonlar keldiki, tom ma’noda erkin yashash nima ekanini o‘z ko‘zimiz bilan ko‘rdik. Halol mehnat qilgan, intilgan inson bugungi kunda aslo kam bo‘lmaydi. bugungi muhim siyosiy tadbir esa xalqimiz hayot darajasini yaxshilash, fuqarolarimizga ko‘proq huquq va erkinlar berish, ularni himoya qilish tizimini mustahkamlashni ko‘zlamoqda. Ishonamanki, biz bu maqsadlarga albatta erishamiz. 

N.Abduraimova,
O‘zA