Эритрея футболшылары елге оралмайтынынан қауіптеніп 2026 жылғы әлем чемпионатының іріктеу кезеңіне қатыспайтынын мәлімдеді

The Guardin басылымының дерегінше, футболшылар алғашқы екі турға үш ай бойы дайындалған, бірақ қазан айының соңында оларға турнирге қатыспайтыны туралы айтылған.

Басты себеп – футболшылардың ұлттық құраманың сырт алаңдағы ойындарын пайдаланып, елден қашып, саяси баспана сұрауына жол бермеу.

Эритрея ұлттық футбол федерациясының кейбір өкілдері спорт және мәдениет министрлігін команданың турнирге қатысуына рұқсат беруге көндірмек болды, бірақ олар қатыспайтынын айтқан.

Айта кетейік, Эритрея құрамасы 2020 жылдан бері халықаралық матчтарға қатыспай келеді.