Қашқадарё вилояти Ғузор тумани Мартепа қишлоғида истиқомат қилувчи Эргаш Ботировни кўпчилик “асалчи бобо” сифатида ҳурмат қилади.

Қашқадарё вилояти Ғузор тумани Мартепа қишлоғида истиқомат қилувчи Эргаш Ботировни кўпчилик “асалчи бобо” сифатида ҳурмат қилади.

Чорак асрдан буён асаларичилик билан шуғулланиб келаётган Эргаш бобо ҳозирда 150 асалари оиласини парваришламоқда. Ҳар йили ўртача 7-8 тоннадан ортиқ шифобахш маҳсулотни аҳоли дастурхонига етказиб бераётир.

—Асаларини етти хазинанинг бири, деб бежиз айтишмаган, - дейди Э.Ботиров. — Мана, биз шунинг ортидан келган даромад ҳисобидан иссиқхона ташкил қилдик. Дастлаб, помидор ва бодринг экдик. Ҳозир бу ерда 35 туп лимон парваришлаяпмиз. Томорқадан ҳам унумли фойдаланамиз. Картошка, пиёз, қовоқ, булғор қалампири, кўкатлар ўзингдан чиққанига не етсин. Бекор ўтиришни ўзимга эп билмайман. Болаларимни ҳам шундай тарбиялаганман.