Арманистон парламенти вице-спикери Акоп Аршакян Беларус президенти Александр Лукашенконинг келгусида Арманистоннинг собиқ иттифоқ мамлакатлари бирлашмасига аъзо бўлиш истиқболи ҳақида айтган гапларига изоҳ берар экан, республиканинг иттифоқ давлатига аъзо бўлиши масаласи муҳокама қилинмаяпти, деди.

Бундан аввал Лукашенко Владимир Соловьевга берган интервьюсида  собиқ иттифоқ ўрнида пайдо бўлган суверен давлатлар бирлашуви бўйича гапирар экан, Арманистоннинг “ҳеч қаёққа қочиб кета олмаслигини” айтган эди.  

"Йўқ, бундай муҳокама олиб борилаётгани йўқ", — деди Аршакян журналистларнинг Арманистон иттифоқ давлатларининг бир қисми бўлиши кераклиги ҳақидаги масала муҳокама қилиняптими, деб берган саволига жавоб берар экан. Шу билан бирга, унинг қўшимча қилишича, бундай баёнотлар аввал ҳам "кўп берилган". "Мен шуни таъкидламоқчиманки, арманлар ва беларуслар қардош халқлар, яқин дўстона муносабатдамиз ва ҳеч бир баёнот мазкур дўстлигимизга рахна сола олмайди", — деди Аршакян.  

Бундан аввалроқ Арманистон ташқи ишлар вазирлиги матбуот котиби Ваан Унанян Лукашенконинг сўзлари, биринчи навбатда, ўзининг ички сиёсатига хизмат қилишига қаратилганини" ва Арманистонинг ташқи сиёсатига умуман алоқаси йўқлиги ҳақида баёнот берганди.