Turkiya Prezidenti Rejep Tayyip Erdog‘an va Rossiya Prezidenti Vladimir Putin Tehronda uchrashadi, deb xabar tarqatdi “Anadolu” agentligi.

18-19 iyul kunlari Tehronda Eron, Rossiya va Turkiya Prezidentlari ishtirokida Astana formatidagi yettinchi uch tomonlama sammit o‘tkazilishi rejalashtirilmoqda.

Tadbir kun tartibidan terrorchi guruhlar, xususan, mintaqa xavfsizligiga tahdid solayotgan Kurdiston Ishchi partiyasi va Islom tashkilotiga qarshi kurash, mintaqadagi vaziyatni siyosiy jihatdan tartibga solishga qaratilgan say’-harakatlar va boshqa dolzarb masalalar o‘rin olgan.