Prezident Rejep Tayyip Erdog‘an Turkmaniston Xalq Maslahati (Xalq kengashi) raisi Gurbanguli Berdimuhamedov bilan uchrashdi. Bu haqda Turkiya Prezidenti ma’muriyatining aloqa bo‘limi bayonotiga tayanib, “Anadolu” xabar berdi.

Antaliya shahrida, Diplomatik forum doirasida bo‘lib o‘tgan muloqotda ikki tomonlama munosabat, mintaqaviy va global muammolar, shuningdek Isroilning G‘azo sektoridagi harakati muhokama qilindi.

Turkiya rahbari G‘azoda gumanitar yordam kutayotgan begunoh aholi o‘qqa tutilishini qabul qilib bo‘lmas holat dedi. Falastin anklaviga yetkaziladigan insonparvarlik ko‘magi hajmini kengaytirish maqsadidagi hamkorlik imkoniyatiga ishora qildi.

Yetakchi Turkiya va Turkmaniston o‘rtasida turli sohalardagi sheriklikni, jumladan tovar ayirboshlash miqdorini 5 milliard dollarga ko‘tarishga qaratilgan munosabatni rivojlantirish bo‘yicha birgalikdagi sa’y-harakatni faollashtirish muhimligini ta’kidladi.

Uchrashuv davomida tabiiy gaz sohasida hamkorlikni rivojlantirish to‘g‘risida Protokol, neft va tabiiy gaz sohasida hamkorlik to‘g‘risidagi niyat deklaratsiyasi kabi qator ikki tomonlama hujjatlar imzolandi.