Туркия Президенти Режеп Таййип Эрдоған Украинадан ғалла ва бошқа қишлоқ хўжалиги маҳсулотларини экспорт қилиш бўйича “озиқ-овқат келишуви”нинг амалга оширилишини “дипломатик муваффақият ва тарихий бурилиш нуқтаси”, деб таърифлади. Бу ҳақда у журналистлар билан суҳбатда гапириб ўтди.

 “Туркия Украина инқирозини ҳал қилиш учун сайъ-ҳаракатларини давом эттиришга тайёр”.

“Россия ва Украина тинчлик сари қадам ташласа, бу бизнинг иштирокимиз билан амалга ошишига ҳеч ким шубҳа қилмаслиги керак”, деди Эрдоған.

Шунингдек, Туркия етакчиси “Биз дон экспорти жараёнини узлуксиз давом эттиришга ҳаракат қилмоқдамиз. Бошқа соҳаларда, жумладан энергетика соҳасида ҳам шундай дипломатик амаллар бажаришимиз мумкин”.

(ЎзА)