Түркия президенті Режеп Тайып Ердоған Нью-Йоркте Tesla компаниясының иесі Илон Маскпен кездесті.

«Ердоған Нью-Йорктегі Түрік үйінде Tesla және SpaceX негізін қалаушы Илон Маскты қабылдады», - делінген баспасөз қызметінің әлеуметтік желідегі хабарында.

Сұхбат барысында Түркия басшысы кәсіпкерге Түркияда жетінші Tesla электромобиль шығаратын зауыт ашуды ұсынған.

SpaceX-тің болашақтағы жетістіктерін атап өткен Ердоған Маскты қыркүйекте Измирде өтетін технологиялық шоуға қатысуға шақырып, ол миллиардерге өз елінің цифрландыру тұжырымдамасы мен жасанды интеллект саласындағы ұлттық стратегия туралы хабардар еткен.