Qora dengizda yangi gaz koni topildi, uning zaxirasi deyarli 60 milliard kub metrga baholanmoqda. Bu haqda Turkiya Prezidenti Rejep Tayyip Erdog‘an ma’lum qildi, deb xabar berdi “Anadolu” agentligi.

“Fotih” burg‘ulash kemamiz suv ostida 3230 metr chuqurlikda 58 milliard kub metr tabiiy gaz zaxirasini aniqladi”.

Uning so‘zlariga ko‘ra, “umuman olganda, mamlakatimiz hududiy suvlaridagi gaz konlari zaxiralari 710 milliard kub metrga yetdi. Ularning qiymati taxminan bir trillion dollarga baholanmoqda”.

Turkiya hukumati 2023 yilda quruqlikda yuzta quduq qazish va dengizda bir qator bu xususdagi ishlarni bajarishni rejalashtirgan.  

Iyun oyida Erdog‘an Qora dengiz tubi bo‘ylab gaz quvurini yotqazish boshlanganini ma’lum qilgandi.  

 O‘zA