Өзбекстан елшілігінің қолдауымен Өзбекстан мен Сауд Арабиясы мәдениет министрліктері өкілдерінің онлайн кездесуі ұйымдастырылды.

Кездесуде екі ел арасындағы мәдени байланыстарды одан әрі кеңейту, халықаралық байқаулар мен фестивальдерге өзара делегациялардың қатысуын қамтамасыз ету және басқа да мәселелер талқыланды.

«Ел өкілдері Эр-Рияд пен Жидда қалаларында Өзбекстан мәдениеті күндерін өткізу туралы ұсынысты ортаға салды.

Сауд Арабиясы Мәдениет министрінің кеңесшісі Халид әл-Рушуд бұл шараның Сауд Арабиясында өтуі бауырлас екі елдің халқын көне тарихы бар мәдениетпен таныстыруда маңызды екенін атап өтті», делінген хабарламада.

Тараптар Өзбекстанның Сауд Арабиясындағы мәдени күндерінің ұзақтығы мен ұйымдастырушылық аспектілері жөнінде пікір алмасты.

Ведомство дерегінше, кездесу соңында Сауд Арабиясы тарапымен осы ұсынысты әзірлеу бойынша диалогты жалғастыруға келісілді.