Еуропадағы қауіпсіздік және ынтымақтастық ұйымының Өзбекстандағы жобалық үйлестірушісі Ханс-Ульрих Им елдегі дипломатиялық миссиясын аяқтады.

СІМ мәліметінше, 2023 жыл 10 сәуірде Өзбекстан Сыртқы істер министрінің орынбасары Ғайрат Фозилов Өзбекстандағы ЕҚЫҰ жобаларының үйлестірушісі Ханс-Ульрих Иммен елдегі дипломатиялық миссиясының аяқталуына байланысты кездесу өткізді.

«Өзбекстан мен ЕҚЫҰ және оның институттары арасындағы ынтымақтастық соңғы жылдары жаңа сапалық деңгейге көтерілгені атап өтілді.

бірлескен жол картасына енгізілген ЕҚЫҰ жобаларын 2023-2024 жылдары Өзбекстанда жүзеге асыру бойынша тығыз ынтымақтастықтың маңыздылығы сөз болды», делінген хабарламада.

Министрдің орынбасары ЕҚЫҰ жобаларының үйлестірушісі міндетін атқарушыға тиімді жұмысы және Өзбекстан мен Ұйым арасындағы ынтымақтастықты нығайтуға қосқан елеулі үлесі үшін алғыс айтса, өз кезегінде Ханс-Ульрих Им Өзбекстандағы миссиясын жүзеге асыруда көрсетілген барлық көмек үшін шын жүректен ризашылығын жеткізген.