ЕҚЫҰ-ның БАҚ бостандығы жөніндегі өкілі Өзбекстанға келді
Еуропадағы қауіпсіздік және ынтымақтастық ұйымының (ЕҚЫҰ) БАҚ бостандығы мәселелері жөніндегі өкілі Тереза Мария Рибейро Өзбекстанға келді.
Dunyo агенттігінің хабарлауынша, бес күндік сапар барысында Тереза Мария Рибейро Өзбекстан үкіметі, министрліктері және ведомстволарымен екіжақты кездесулер өткізіп, келіссөздер жүргізеді.
Олар өзара тиімді ынтымақтастықты дамыту перспективаларын талқылайтын болады.
Сонымен қатар, ЕҚЫҰ өкілі республика аумақтарына да баратыны айталған хабарламада.