Еуропадағы қауіпсіздік және ынтымақтастық ұйымының Демократиялық институттар және адам құқықтары жөніндегі бюросының (ЕҚЫҰ/ДИАҚБ) қажеттіліктерді бағалау миссиясының сарапшылары Өзбекстанға келді.

Сапар бағдарламасына сәйкес, сарапшылар бірқатар министрліктер мен ведомстволардың, саяси партиялардың, БАҚ және азаматтық қоғам институттарының өкілдерімен кездеседі. 

28 мамырда миссия сарапшылары ЕҚЫҰ/ДИАҚБ сайлау департаментінің аға кеңесшісі Кеара Кастальдо және сайлау жөніндегі кеңесші Каха Инаишвили Орталық сайлау комиссиясының басшысы Зайниддин Низомхужаевпен кездесті.

ОСК мәліметінше, кездесуде тараптар ЕҚЫҰ/ДИАҚБ миссиясы ұсынымдарын сайлауды бақылау нәтижелері бойынша ұлттық сайлау заңнамасына және тәжірибеге енгізу мәселелерін талқылаған.

«Сарапшылар парламенттің төменгі палатасы мен сайлау органдары жүйесіндегі өзгерістермен де танысты. Осы өзгерістерге сәйкес Өзбекстанда сайлау органдарының біртұтас орталықтандырылған жүйесі қалыптасуда, парламенттің төменгі палатасына сайлауда аралас сайлау жүйесі негізінде өтеді», делінген хабарламада.

Сарапшылар Өзбекстандағы сайлау процесін жалпыға бірдей мойындалған халықаралық демократиялық принциптерге сәйкес жетілдіруге бағытталған күш-жігерді қолдады.