Пойтахтимизда Санитария-эпидемиологик осойишталик ва жамоат саломатлиги хизмати ҳамда Германиянинг Эпидемиологик чора-тадбирлар бўйича эксперт гуруҳи (SEEG) томонидан Марказий Осиё конференцияси ташкил этилди.

Унда мамлакатимиз, шунингдек, Қозоғистон, Қирғизистон, Тожикистон, Туркманистон соҳа экспертлари минтақавий ва минтақалараро контекстда пандемиянинг олдини олиш ва лаборатория ташхисоти юзасидан суҳбатлашди. Лаборатория ташхисотини такомиллаштириш йўли билан пандемиянинг олдини олишни муҳокама қилди. 
 
Анжуман иштирокчилари мамлакатларнинг турли директив ва асосий диагностика муассасалари ўртасида ҳамкорлик, техник алмашинувни кучайтириш зарурлигини таъкидлади. 
 
Маълумот учун, Германиянинг Эпидемиологик чора-тадбирлар бўйича эксперт гуруҳи ҳозирги COVID-19 пандемияси даврида мамлакатларга биринчи навбатда инфекция тарқалишини тўхтатиш ва соғлиқни сақлаш тизимини мустаҳкамлашда ёрдам бермоқда. 
 

М.Қосимова, ЎзА