Еуропалық Одақ санкцияларының салдарынан ресейлік олигархтардың 12,5 миллиард еуро қаржысы бұғатталған.

ADR арнасының хабарлауынша, бұл туралы батыс басылымдарына Еуропалық әділет комиссиясының ресми өкілі Кристиан Виганд мәлімдеген. 

Оның айтуынша, Ресей армиясының Украинаға қылмыстық басып кіруіне байланысты енгізілген қарсы санкцияларға орай ЕО ресейлік олигархтардың онда сақталған активтерін бұғаттады. Соңғы екі айда олардың көлемі екі есеге өсті.

«Ресей олигархтарының бұғатталған активтерінің көлемі сәуірдегі 6,7 миллиард еуродан 12,5 миллиард еуроға дейін дерлік екі есеге өсті», - деген Кристиан Виганд.

Бұғатталған активтердің мұндай күрт өсуі соңғы апталарда санкцияланған ресейлік олигархтарға тиесілі көптеген нысандардың анықталып, бұғатталуымен байланысты.