Жанубий Кореянинг Инчхон шаҳрида енгил атлетика бўйича 20 ёшгача бўлган спортчилар ўртасида ўтказилаётган Осиё чемпионатининг илк кунида Ўзбекистон терма жамоаси аъзолари 2 та кумуш медални қўлга киритди.

Ҳамюртларимиздан Дунёзод Сайфуллаев диск улоқтиришда 55.58 натижа кўрсатган ҳолда 2-ўринни эгаллади. Ушбу йўналишда 1-ўриндан жой олган ҳиндистонлик спортчи 55.66 натижа қайд этган бўлса, 3-поғонага кўтарилган эронлик енгил атлетикачи 55.44 кўрсаткичда мусобақани якунлади.  

Ядро улоқтириш йўналишида юртимиз шарафини ҳимоя қилган Малика Насриддинова 15.76 натижа билан Хитой вакилига йўл берган тарзда шоҳсупанинг иккинчи поғонасидан жой олди. Ушбу йўналишда бронза медали ҳам хитойлик спортчига насиб этди.  

Мусобақалар давом этмоқда.  

Т. Рўзиев, ЎзА