Хитойнинг Тианжин шаҳрида енгил атлетика бўйича ёпиқ иншоотларда ўтказилаётган 12-Осиё чемпионатида терма жамоамиз аъзолари совринли ўринларни эгаллади.

Хусусан, мамлакатимизда ташкил этиб келинаётган "Беш ташаббус олимпиадаси”да кашф этилган қашқадарёлик ёш спортчи Жонбиби Ҳукмова 400 метр масофага югуришда 53,61 сония натижа қайд этиб, ғолиблик шоҳсупасига кўтарилди.

Мазкур ғалаба орқали у Осиё миқёсида енгил атлетика бўйича энг кучли спортчилардан бири эканини яна бир бор исботлади.

Шунингдек, қитъа биринчилигининг уч ҳатлаб сакраш дастурида Шарифа Давронова 14,05 метр билан олтин медални қўлга киритди.

Бугун, 8 февраль куни чемпионатнинг сўнгги кунги баҳслари бўлиб ўтади.

Т.Рўзиев, ЎзА