Перуда енгил атлетика бўйича U20 ёш тоифасида ўтаётган жаҳон чемпионатида Барнохон Сайфуллаева финал босқичига йўл олди.

Чемпионатнинг баландликка сакраш дастурида иштирок этаётган Барнохон Сайфуллаева саралаш босқичида 1.83 метр натижа билан энг кучли 12 спортчи орасидан жой олди. Энди у ҳам  31 август куни финал босқичида жаҳон чемпионати медаллари учун курашади.

Шунингдек, ўнкураш дастурида Нодир Норбоев  5 та дастурдан сўнг 3036 очко билан 21-ўринда бормоқда. Бугун ҳамюртимиз яна 5 йўналишда стартга чиқади.

Жавоҳир Тошхўжаев, ЎзА