Бухорода республика “Ҳамшира – 2023” кўрик танловининг вилоят босқичи бўлиб ўтди.

Кўрик танлов қуйи босқичларида иштирок этиб, ғолибликни қўлга киритган тўққиз нафар ҳамширалар вилоят босқичида ўзаро баҳслашди. Бири биридан моҳир ҳамширалар тегишли низом асосида тўртта шарт бўйича маҳоратини намойиш этди.

Кўрик танловда ҳакамлар ҳайъатининг одилона, шаффоф баҳолаб боришлари натижасида ғолиблар аниқланди. Ҳар томонлама етук билимга эга бўлган чаққон айниқса амалиёт босқичларида ўзини тўғри тактик ҳатти-ҳаракатлари билан энг юқори натижа билан биринчи ўринни Республика шошилинч тез ёрдам илмий маркази Бухоро филиали ҳамшираси Светлана Назарян фахрли биринчи ўринни қўлга киритди. У мутлақ ғолибликни қўлга киритиб республика босқичига йўлланма олди ва вилоят шаънини ҳимоя қилади.

Вилоят кўп тармоқли тиббиёт маркази ҳамшираси Нилуфар Носирова эса танловда муносиб иштирок этиб, иккинчи ўринга сазовор бўлди. Вилоят болалар кўп тармоқли тиббиёт маркази ҳамшираси Насиба Бобоқулова эса учинчи ўринни қўлга киритди. Кўрик танловнинг барча иштирокчилари Ўзбекистон Ҳамширалар Ассоциацияси Бухоро вилояти бўлинмаси томонидан қимматбаҳо эсдалик совғалари билан тақдирланди.

Шунингдек, вилоят тиббиёт ходимлари касаба уюшмаси ҳам ўз совғалари билан иштирок этиб, қизларни мамнун қилди. Вилоят ҳокимлиги соғлиқни сақлаш бошқармаси бошлиғининг ташаккурномаларини вилоят ҳокимлиги соғлиқни сақлаш бошқармаси бошлиғи ўринбосари А.Жалилов топширди.  

Зариф Комилов, ЎзА