Тошкент вилоятининг тўртинчи минтақавий мувофиқлаштириш маркази таркибига кирувчи 6 та шаҳар-туман ИИБ ходимлари ўртасида “Минтақа раҳбари кубоги” мусобақалари ўтказилди.

Ходимларнинг жисмоний шайлигини ошириш ва оммавий спортни ривожлантириш мақсадида ташкил этилган мазкур спорт турнирида 150 нафарга яқин ИИБ ходимлари, минтақавий марказ шахсий таркиби мини футбол, марафон ва шахмат-шашка турларида ўз маҳоратини синовдан ўтказди.  

Қизғин ва муросасиз ўтган мусобақанинг якуний натижаларига кўра, шахмат йўналиши бўйича минтақавий марказ ЙПХ ходимлари жамоаси, шашка бўйича ўтган беллашувда минтақавий марказ ППХ хизмати жамоаси ғолибликни қўлга киритди. Мини футболда Тошкент тумани жамоасига тенг келадигани топилмади. Югуриш марафонида минтақавий марказ Кинология хизмати ғолиб, деб эълон қилинди.  

Якунда ташкилотчилар томонидан ғолибларга эсдалик совғалари топширилди.  

А.Мусаев, ЎзА.