Бухорода жисмоний имконияти чекланган ва ногиронлиги бўлган шахслар ўртасида шахмат бўйича Ўзбекистон чемпионати ўтказилди.

Мусобақа 2002, 2006, 2007, 2010, 2011 ҳамда ундан кичик ёшдаги кўриш имконияти чекланган ўғил-қизлар ўртасида бўлиб ўтди.

Мамлакат чемпионатида Қорақалпоғистон Республикаси, Андижон, Фарғона, Наманган, Жиззах, Самарқанд, Сурхондарё ва Бухоро вилоятларидан жами 54 нафар спортчи ғолиблик учун дона сурди. Ҳар бир жамоа таркибига 6 нафар иштирокчи, яъни уч нафар ўғил бола ва худди шунча қизлар киритилган.

Олти кун давом этган чемпионат қизғин баҳсларга бой кечди.Мусобақа якунида умумжамоа ҳисобида фахрли 1-ўринни Самарқанд вилояти жамоаси, 2-ўринни мезбонлар – Бухоро вилояти жамоаси, 3-ўринни Фарғона вилояти ёш шахматчилари эгаллади.

Зариф Комилов, ЎзА