Пойтахтимиздаги "Универсал" спорт мажмуасида спорт курашлари бўйича катталар ўртасида Ўзбекистон чемпионатининг эркин кураш баҳслари якунланди. Унда юртимизнинг барча ҳудудларидан ташриф буюрган маҳоратли полвонлар ғолиблик учун кураш олиб борди.

Чемпионатнинг эркин кураш беллашувлари якунига кўра, Ильям Бекбулатов, Аббос Раҳмонов, Бобур Исломов, Махсуд Вейсалов, Ҳасанбой Раҳимов, Нодир Жуманазаров, Сардор Рўзимов, Бегижон Қўлдошев, Жасур Усмоноҳунов ва Шерзод Поёнов ўз вазн тоифаларида олтин медалга сазовор бўлди.

Эслатиб ўтамиз, мусобақанинг дастлабки кунларида юнон-рум курашчилари чемпионлик учун кураш олиб борган эди.

Жавоҳир Тошхўжаев, ЎзА