АҚШнинг US Nеws & World report нашри “87 та энг кам коррупциялашган давлат” глобал сўрови натижаларини эълон қилди.

Бу ҳақда Коррупцияга қарши курашиш агентлиги директори Акмал Бурханов хабар бермоқда.

Сўров жорий йилнинг 17 мартдан 12 июнгача ўтказилиб, унда 36 мамлакатдан 17195 киши иштирок этган.

Иштирокчилар мамлакатларни саргузаштлар, маданий таъсир, тадбиркорлик, қадриятлар, бизнес учун очиқлиги, куч тузилмалари, ҳаёт сифати, жамиятнинг умумий мақсади каби 73 та мезонлар бўйича баҳолаганлар.

Сўров натижаларига кўра, 1-ўринни Швейцария (Канада-2, Швеция-3),  Ўзбекистон эса Ҳиндистон, Саудия Арабистони, Қозоғистон, Беларус, Россия, ЖАР ва бошқа давлатларни ортда қолдириб, 68-ўринни эгаллади.

М. Турдалиева, ЎзА