ФОТОРЕПОРТАЖ

Фарғонада “Энг фаол депутат” кўрик-танловининг вилоят босқичи бўлиб ўтди. Унда маҳаллий Кенгаш депутатлари фаол иштирок этиб, ўз ташаббуслари, жамоатчилик билан ишлаш тажрибаси ҳамда ҳудудларни ривожлантиришга қаратилган ишлари билан иштирок этди.  

Мазкур танлов депутатлик фаолиятини янада самарали ташкил этиш, илғор тажрибаларни оммалаштириш, шу билан бирга, депутатлик масъулиятини янада оширишга хизмат қилиши билан аҳамиятли.

[gallery-26860]

Иштирокчилари ҳудудларни ижтимоий-иқтисодий ривожлантиришга қаратилган ташаббуслари ҳамда долзарб муаммолар ечимига доир таклифларини тақдим этди. Шунингдек, танлов жараёнида иштирокчиларнинг қонун ижодкорлиги ва назорат фаолияти, жамоатчилик билан ишлаш тажрибаси, очиқлик ва ташаббускорлик даражаси алоҳида мезонлар асосида баҳоланди. Энг фаол ва ташаббускор депутатлар муносиб тақдирланди.

Муқимжон ҚОДИРОВ(сурат),ЎзА