Мамлакатимизда электр тармоқларининг аҳолига сифатли хизмат кўрсатиши учун алоҳида эътибор қаратилмоқда. Юзага келадиган муаммолар ўз вақтида бартараф этилиши йўлга қўйилди.

Тошкент шаҳридаги “Ботаника” подстанциясидан чиқувчи “Астрономия-1,2”, “Л-Босмахона” ва “Л-Карамурт” кабел тармоқларида носозлик юзага келди.

Натижада Юнусобод ва Мирзо Улуғбек туманларининг айрим истеъмолчилари (6 250 та) электр таъминотидан узилган.

Бундан хабар топган мутасаддилар кабел тармоғидаги носозликни бартараф этиб, 3 мингдан ортиқ истеъмолчининг электр таъминоти қайта тикланган.

Ҳозирги вақтда энергетиклар томонидан қолган носозликни бартараф этиш ишлари олиб борилмоқда.

Шербек Исломов,

ЎзА