Президент Шавкат Мирзиеевтің төрағалығымен Бұхарада бейнеселекторлы кеңесі өтіп, онда энергетикалық кешен басшылары мен әкімдерге жүйенің тұрақты жұмысын қамтамасыз ету бойынша бірқатар тапсырмалар берілді.

Екінші жартыжылдықта 30 миллиард текше метр газ және 41 миллиард киловатт-сағат электр энергиясын өндіру және оларды тұтынушыларды үздіксіз қамтамасыз ету; жерасты газ қоймаларындағы газ қорын кемінде 3,5 миллиард текше метрге дейін арттыру тапсырылды.

Жыл соңына дейін 400 мың тонна бензин өндіріп, 120 мың тоннасын импорттау қажеттігі айтылды.

Күзгі-қысқы маусымда энергия жүйесінің тұрақты жұмысын қамтамасыз ету үшін жауапты басшылар бүгіннен бастап төтенше жағдай режиміне көшеді.

Энергетикалық кешен басшылығы облыс әкімдері және сала басшыларымен бірлесіп, жыл соңына дейін 3,7 миллиард киловатт сағат электр энергиясын және 2,4 миллиард текше метр газды үнемдеу шараларын қолға алмақ.

Әлеуметтік сала нысандарында, мемлекеттік мекемелерде және бизнес нысандарында тағы 250 мегаватт күн батареяларын орнатудың маңыздылығы көрсетілді.

Жиында облыс және желі басшыларының есебі тыңдалды.