Барчага маълумки, аввал ҳудудлар ФҲДЁ бўлимларининг иш вақти ҳар хил бўлган.

Масалан, Тошкент шаҳрида душанба — дам олиш куни бўлган бўлса, бошқа ҳудудларда иш куни эди. Бу ҳолат мазкур маълумотга эга бўлмаган аҳолига ноқулайлик туғдирар эди.

Давлат хизматлари агентлиги мутахассислари томонидан ушбу масала қайта кўриб чиқилиб, ФҲДЁ бўлимларининг тўлиқ иш вақти душанба – жума кунлари этиб белгиланди.

Энг муҳими, эндиликда ФҲДЁ бўлимлари томонидан шанба кунлари ҳам 9:00 дан – 15:00 га қадар аҳолига хизмат кўрсатилади.

Бунда, меҳнат қонунчилигига тўлиқ риоя қилинган ҳолда шанба кунлари ишлайдиган ходимларнинг умумий иш вақти ҳафтасига 40 соатдан ортмайди.

Мазкур янгилик аҳолига қўшимча қулайлик яратишда ФҲДЁ соҳасида олдинга ташланган яна бир қадам бўлди.

ДХА Тошкент шаҳар бошқармаси
Ахборот хизмати