Oliy ta’lim, fan va innovatsiyalar vazirligi matbuot xizmatining ma’lum qilishicha, Milliy sertifikat imtihonida 65 va undan yuqori ball olgan abituriyent "A +, A" darajaga ega bo‘ladi va OTMga kirishda o‘sha fandan maksimal ballga ega bo‘ladi.

Shuningdek, B+, B, C+ darajaga ega bo‘lgan abituriyentlarga test sinovlarida egallagan ballariga nisbatan foiz asosida maksimal ballga nisbatan tabaqalashtirilgan ball beriladi.  

Test natijalari xalqaro metod – Rash modeli asosida hisoblanadi. Sertifikatning amal qilish muddati 3 yilni tashkil qiladi.  

Ma’lumot o‘rnida ta’kidlash kerakki, avvalgi tartibga ko‘ra,  milliy sertifikat imtihonida 86 foiz va undan yuqori ball to‘plagan abituriyentga kirish imtihonida maksimal ball, 60 foizdan yuqori to‘plaganlarga esa majburiy blok fanidan maksimal ball berilgan.  

Muhayyo Toshqorayeva, O‘zA