Сурхондарёда “Турон йўлбарслари” ҳарбий-спорт мусобақасининг вилоят босқичи ўтказилди.

Жануби-ғарбий махсус ҳарбий округ тасарруфидаги Термиз гарнизонида жойлашган ҳарбий қисмда Сурхондарё вилоятдаги Президент, ижод, спорт, ихтисослаштирилган мактаб ҳамда мактаб-интернатларда таҳсил олаётган “Ватан таянчи” ҳаракати отрядлари ўртасида мусобақа бўлиб ўтди.

Мусобақа давомида жами 18 та жамоа иштирок этди ва 9 та шарт асосида беллашди. Иштирокчилар турли ҳарбий-спорт шартлари, жисмоний машқлар, амалий топшириқлар ҳамда зеҳнни чархлаш каби беллашувларда ўз куч ва маҳоратини намоён этди.

Якуний натижаларга кўра, Термиз шаҳридаги 1-ихтисослаштирилган мактаб интернатининг “Элпарвар” жамоаси биринчи, Термиз шаҳридаги Президент мактабининг “Десантчилар” жамоаси иккинчи ва Қумқўрғон туманидаги 1-ихтисослаштирилган мактаб интернатининг “Алпомиш авлодлари” жамоаси учинчи ўринни эгаллади. Шунингдек, энг кучли, чаққон ва билимдон жамоалар аниқланиб, ғолиб ҳамда совриндорлар диплом ва қимматбаҳо совғалар билан тақдирландилар.

<iframe width="650" height="420" src="https://www.youtube.com/embed/cpWC5fPSxy4" title="“Elparvar” jamoasi – birinchi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат ва видео), ЎзА