2025 йил 23 декабр куни соат 11:00 да Жиззах вилояти, Фориш тумани, Боғдон аҳоли пункти, 30-сон Маданият марказида Ўзбекистон Республикасида Атом электр станцияси (АЭС) қурилиши лойиҳаси бўйича жамоатчилик эшитувлари бўлиб ўтади.

АЭСнинг асосий техник кўрсаткичлари:

• Умумий қуввати: 2110 МВт;
• Йиллик электр энергияси ишлаб чиқариш: 16-17 млрд КВт*соат;
• Энергобалансдаги улуши: 12-15%;
• Эксплуатация муддати: 60 йил;
• Янги иш ўринлари:
• 13000 нафаргача қурилиш даврида;
• 2000 нафаргача эксплуатация даврида.

Ўзбекистон Республикасида АЭС қурилиши лойиҳаси бош пудратчиси «Атомстройэкспорт» АЖ бўлиб, у атом электр станцияларини қуриш бўйича дунёда энг катта экспорт шартномалари портфелига эга «Росатом» давлат корпорациясининг муҳандислик дивизиони ҳисобланади. 

Лойиҳа хавфсизлик нуқтаи назаридан атом энегетикаси соҳасида энг илғор технологиялардан ҳисобланган ВВЭР-1000 ҳамда РИТМ-200Н реакторларидан иборат АЭС қурилишини кўзда тутади. 

Лойиҳа бўйича таклиф ва мулоҳазаларингизни қуйидаги электрон почта манзилларига юборишингиз мумкин:

info@uzatom.uz

direksiyaaes@uzatom.uz

Жамоатчилик вакилларини ва барча манфаатдор томонларни жамоатчилик эшитувларида фаол иштирок этишга таклиф қиламиз.