Toshkent viloyati Olmaliq shahridagi “Metallurg” madaniyat saroyida “Ibratli harbiy oila” ko‘rik-tanlovining qo‘mondonlik bosqichi bo‘lib o‘tdi. Toifalangan ob’ektlarni qo‘riqlash qo‘shinlari qo‘mondonligining respublikamiz bo‘ylab deyarli barcha viloyatlarida joylashgan harbiy qismlaridan saralanib kelgan 7 jamoa 4 ta shart bo‘yicha o‘zaro bellashdi.

Bellashuv yakuniga ko‘ra, 3-o‘rinni Andijon viloyati Xonabod shahridagi harbiy qismdan tashrif buyurgan Rahmonovlar oilasi qo‘lga kiritdi. 2-o‘rin esa Toshkent viloyati Olmaliq shahridagi harbiy qismning Samandarovlar oilasiga nasib etgan bo‘lsa, Navoiy viloyati Karmana tumanidagi harbiy qism nomidan kelgan Elmurodovlar oilasi ko‘rik-tanlovning mutlaq g‘olibi deb topildi.

G‘olib va sovrindorlar qimmatbaho hamda esdalik sovg‘alari bilan taqdirlandi.

O‘zA