Қорақалпоғистон Республикасининг Элликқалъа туманидаги 12 гектар майдонда жойлашган иссиқхоналарда асосан помидор, бодринг ва цитрус мевалари етиштирилмоқда.

“Umidbek Odilbek” масъулияти чекланган жамиятига қарашли 3 гектар майдондаги замонавий иссиқхонада лимонария ташкил этилган. Хитой технологияси асосида барпо этилган ушбу иссиқхонага Бухоро ва Фарғона вилоятларидан келтирилган юқори навли қарийб 4 минг туп лимон кўчати экилган.

Айни пайтда кўчатлар ҳосилга кирган. 30 нафардан ортиқ ишчи меҳнат қилаётган иссиқхонада йилига ўртача 7–8 тонна лимон етиштирилмоқда. Маҳсулотлар ички бозорга етказиб берилмоқда, келгусида экспортни йўлга қўйиш режалаштирилган.

Шунингдек, корхона қошида 500 тонна сиғимга эга музлаткич омбори қурилган. Унда картошка, сабзи ва бошқа турдаги сабзавот маҳсулотлари захираси яратилган.

[gallery-27847]

Ўсимликлар карантини ва ҳимояси агентлиги сайёр лабораторияси мутахассислари томонидан иссиқхонада фитосанитар ҳолат ўрганилиб, маҳсулотлардан намуналар олиш ва жойида лаборатория текширувларини ўтказиш ишлари амалга оширилмоқда.

<iframe width="640" height="420" src="https://www.youtube.com/embed/Lu6aFn1cHjE" title="Ellikqal’ada issiqxonachilik rivojlanmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мақсад ҲАБИБУЛЛАЕВ (сурат, видео), ЎзА