Ұлыбритания және Солтүстік Ирландия Біріккен Патшалығының патшайымы Елизавета II таққа отырғанына 70 жыл толды.

Букингем сарайы алдында осы мерейтой құрметіне орай ұйымдастырылған мерекелік шараға патшалықтың түрлі аймақтарынан келген азаматтар алдында Елизавета II көрініс беріп, монарх отбасымен резиденцияның балконынан жиналғандарды қарсы алды.

Салтанатты шарада Корольдік отбасы мүшелері британдық әуе күштерінің ұшуын тамашалады. Авиашоуға 70 ұшақ қатысқан.

Мереке құрметіне премьер-министр Борис Джонсон британдықтарға 2 күн демалыс жариялаған.

Елизавета II ханшайым Виндзор әулетінен шыққан болып, таққа 1952 жылдың 6 ақпанында, яғни 25 жасында, әкесі — VI Георгтың өлімінен кейін отырған. Ол Патшалық тарихында тақта ең ұзақ уақыт билік құрған монарх болып табылады.