Ўзбекистон Республикаси Вазирлар Маҳкамаси “Электротехника ва радиоэлектроника маҳсулотларида хавфли моддаларни ишлатишни чеклаш тўғрисидаги техник регламеннтни тасдиқлаш ҳақида” қарор қабул қилди.

Унга мувофиқ: 

Электротехника ва радиоэлектроника маҳсулотларида хавфли моддаларни ишлатишни чеклаш тўғрисидаги техник регламент; 

Электротехника ва радиоэлектроника маҳсулотларида хавфли моддаларни ишлатишни чеклаш тўғрисидаги техник регламентни жорий этиш схемаси тасдиқланди. 

Ушбу Техник регламент Ўзбекистон Республикаси ҳудудида муомалага чиқарилаётган электротехника ва радиоэлектроника маҳсулотларида хавфли моддаларни ишлатишни чеклашга доир қўлланилиши ва бажарилиши мажбурий бўлган ягона талабларни белгилайди. 

Электротехника ва радиоэлектроника маҳсулотлари ушбу Техник регламентга, шунингдек, электротехника ва радиоэлектроника маҳсулотларига тегишли амалдаги бошқа техник регламентлар талабларига мувофиқлиги тасдиқланган тақдирда, Ўзбекистон Республикаси ҳудудида муомалага чиқарилади. 

Техник регламент қуйидаги электротехника ва радиоэлектроника маҳсулотларига нисбатан татбиқ этилмайди: 

давлат мудофааси, ҳуқуқни муҳофаза қилиш органлари, шунингдек, тезкор-қидирув тадбирлари тизимининг махсус техник воситалари учун ишлатиладиган; 

ўзгарувчан токда 1000 V дан ва ўзгармас токда 1500 V дан юқори бўлган; 

фотоэлектрик панеллар (қуёш батареялари); 

ерусти ва орбитал космик объектлар таркибида фойдаланиш учун мўлжалланган маҳсулотлар; 

фақат ҳаво, сув, ерости ва ерусти транспортида фойдаланиш учун мўлжалланган электр жиҳозлари; 

электротехника ва радиоэлектроника маҳсулотлари таркибий қисми сифатида фойдаланиш учун мўлжалланган электр батареялари ва аккумуляторлар; 

олдин фойдаланилган ва (ёки) фойдаланишда бўлган жиҳозлар; 

катта стационар саноат жиҳозлари; 

ўлчаш воситалари; 

тиббиёт буюмлари; 

илмий-тадқиқот ва тажриба-конструкторлик ишлари учун махсус лойиҳалаштирилган жиҳозлар. 

Техник регламент расмий эълон қилинган кундан эътиборан олти ой ўтгач кучга киради.

ЎзА