Элдор Шомуродов – Россия Премьер-лигасининг ўтган мавсумдаги энг яхши ўйинчиларидан бири. "Ростов" футбол клубида ўйнаган ва унинг таркибида 16 та гол урган. Дастлаб, ўзбекистонлик футболчининг Европага кўчишига кўпчилик, жумладан, клуб мураббийи Валерий Карпин ҳам шубҳа билан қараган эди.

Аввалига жароҳатлар бўлди, сўнгра бир неча ўйин давомида захирада ўтирди. Бироқ Ўзбекистон терма жамоаси аъзоси Э. Шомуродов аста-секин вазиятга мослашди ва шериклари, мураббийлик штаби, Россия ва албатта, қадрон Ўзбекистондаги миллионлаб мухлислари ундан кутаётган ўйинни кўрсата бошлади.

Элдор Шомуродов ўзи учун илк мавсумда 38 учрашувнинг 31 тасида майдонга тушди. (ўртача 54 дақиқа). 8 та гол урди ва иккита самарали узатишни амалга оширди: биттаси – чемпионатда, иккинчиси – Италия кубогидаги ўйинда.

Элдор Шомуродов ажойиб ўйин намойиш этмоқда. "Женоа" легионерининг Италия биринчилиги охирида чиқишлари ҳам жуда таъсирли бўлди – сўнгги олтита ўйинда бешта гол киритди. Жумладан, биринчи дубль Италия етакчиларидан – "Аталанти"га қарши бўлган учрашувда амалга оширилди. Якунда Генуя клуби 3:4 ҳисобида ютқазди, бироқ Элдор Шомуродовнинг иккита голи ўзгача бўлди ва учрашувни янада ёрқин қилди.

Натижада, Шомуродов гол+пас тизимида 9 очко тўплаган ҳолда, "Женоа"нинг энг яхши тўпурарлари учталигига кирди. Шунингдек, ўзбекистонлик ҳужумчи энг қиммат футболчилар рўйхатидан жой олган: унинг трансфер қиймати 7 миллион евро деб баҳоланмоқда.

Унинг интилишлари бекор кетмади – мавсум бошида Италия “А” серияси чегарасида турган "Женоа" биринчилик охирида 11-ўринни эгаллашга муваффақ бўлди.

Бундай шароитда Италия футбол клублари, хусусан, "Ювентус" ҳам ўйинчи билан қизиқиб қолган, деган миш-мишлар пайдо бўлгани ҳам бежиз эмас. Бироқ бу маълумотлар ҳали ўз тасдиғини топмади.

Бироқ шуни ишонч билан айтиш мумкинки, Россияда ҳам Элдор Шомуродовнинг содиқ мухлислари пайдо бўлди. Улардан бири –13 ёшли Максим. У нафақат севимли ҳужумчиси иштирокидаги ўйинлар ҳақидаги ўзига хос ҳаяжонли шарҳлари, балки ўйинчи билан бўлган интервьюси билан ҳам бутун дунёга машҳур бўлди.

Элдор Шомуродовнинг Италиядаги биринчи мавсуми якунлари тўғрисида маълумотлар билан "Sputnik Узбекистан" инфографикаси орқали танишиш мумкин.