«Рома» клубының шабуылшысы өзбекстандық футболшы Эльдор Шомурадовтың келесі бағыты Бундеслига болуы мүмкін.

Итальяндық белгілі футбол журналисі Никола Скира өзінің Twitter парақшасында Өзбекстан құрамасының капитанына Леверкузеннің «Байер» клубы қызығушылық білдіргені туралы жазып, римдік клуб Шомурадов үшін шамамен 13-14 миллион еуро ұсынса, футболшыны сатуын хабарлады.

А Серияның биылғы маусымында Эльдор Шомурадов «Рома» сапында жалпы 9 ойын өткізіп, 2 гол соқты.

Кейінгі уақытта «Рома» бапкері Жозе Мауриньо клубтың ойын тактикасына байланысты Эльдорды алаңға шығаруын азайтты. Сондықтан да біраз уақыттан бері Шомурадовтың басқа клубқа өтуі жайлы ақпарат жиілеп, римдік клуб қомақты қаржы ұсынған командаға шабуылшыны сатуға дайындықты бастаған.