Сирдарё туманида фаолият юритаётган “WANG DA GROUP” Ўзбекистон – Хитой қўшма корхонаси сирдарёликларга 11 турдаги озиқ-овқат маҳсулотларидан иборат 300 қути ҳомийлик хайриясини тарқатди.

Коронавирус пандемиясини тарқаб кетишини олдини олиш республика махсус комиссияси йиғилишининг қарорига кўра, якка тартибдаги хайрия акцияларини ўтказиш жорий йилнинг 1 апрелидан вақтинча тўхтатилди.

Энди, республика Маҳалла ва оилани қўллаб-қувватлаш вазирлигининг ҳудудий бўлимлари жойлардаги эҳтиёжманд оилалар, ёлғиз кексалар, ногиронлиги бўлган шахслар ва аҳолининг бошқа ёрдамга муҳтож қатлами ҳақидаги маълумотларни ҳудудий тегишлилиги бўйича ҳомийлик хайрияларини мувофиқлаштириб, марказга тақдим этилиши белгиланди.

– Бундан кўзланган асосий мақсад – мамлакатимиздаги айни пайтдаги эпидемиологик вазиятни кескинлашишини олдини олиш ва ҳомийларнинг хайрияларини “Ҳомийлик хайрияларни мувофиқлаштириш маркази”нинг 1197 қисқа рақамига қилинган мурожаатларга кўра етказишдан иборатдир, – дейди Сирдарё туман ҳокимлиги Ахборот хизмати раҳбари Сухроб Жўрабоев. – Туманимизда жойлашган “WANG DA GROUP” Ўзбекистон – Хитой қўшма корхонаси томонидан тайёрланган 11 турдаги озиқ-овқат маҳсулотлари жойланган 300 қути ҳомийлик хайрияси – “Ҳомийлик хайрияларни мувофиқлаштириш маркази”нинг 1197 қисқа рақамига қилинган мурожаатлар бўйича эҳтиёжмандларга етказиб берилади.