Эквадордың батысындағы Гуаяс провинциясындағы Гуаякиль қаласының маңында жеңіл ұшақ далада апатқа ұшырап, борттағы 6 азаматтың бәрі қаза тапты.

Жергілікті El Universo газетіндегі ақпаратқа сай, бортта экипаждың екі мүшесі мен төрт жолаушы болған. Алдын ала мәліметтер бойынша, ұшақ Лаго Агриодан Гуаякильге бет алғаны, ондағы жолаушылар медициналық техниканы тасымалдаған дәрігерлер болғандығы атап өтілген. 

Қазіргі кезде ұшақтың неден апатқа ұшырағаны анықталуда.