Эквадор президенті Гильермо Лассо сәрсенбі күні ел парламентін таратып жіберді.

Синьхуа агенттігінің хабарлауынша, Эквадор президенті Гильермо Лассо заң шығарушылар мемлекет басшысына импичмент жариялау мәселесін қарай бастағаннан кейін Ұлттық ассамблеяны (парламент) таратып, жаңа сайлау тағайындау туралы жарлыққа қол қойды.

«Конституциялық шешім табу үшін мен Республика Конституциясының ауыр саяси дағдарыс пен ішкі толқуларға байланысты Ұлттық жиналысты тарату құқығын беретін 148-бабын қолдануға шешім қабылдадым <...>. Сонымен қатар, Ұлттық сайлау кеңесінен дереу парламенттік және президенттік сайлауды тағайындауды сұрадым », - деген ол халыққа үндеуінде.

Лассоның айтуынша, бұл шешім үкіметке «барлық күш-жігерді Эквадор отбасыларының қажеттіліктерін қанағаттандыруға шоғырландыруға» мүмкіндік беретінін айтып, алдағы күндері үкімет реформалар жүргізу үшін бірнеше қаулы шығаратынын хабарлаған.