Bugungi kunda zamonaviy farmatsevtika sohasida tabiat in’om etgan dorivor giyohlarga jahon bozorida talab yuqori. So‘nggi yillar hukumatimiz tomonidan dorivor o‘simliklarni yetishtirishga ham alohida e’tibor qaratilmoqda.

Boyovut tumani hokimi, senator Dilfuza Uralova perilla dorivor o‘simligini ekish va eksport qilish maqsadida Janubiy Koreyaning “ABC.Co.Ltd.Korea” kompaniyasi vakili Chen En Chir bilan uchrashdi.  

Bo‘lib o‘tgan suhbat davomida tuman hududida ushbu dorivor o‘simlikni yetishtirish ishlarini yo‘lga qo‘yish, qo‘shimcha daromad manbai sifatida mahallalarni perilla yetishtirishga ixtisoslashtirish, farmatsevtika sanoati uchun zarur bo‘lgan mahsulotni kelgusida Janubiy Koreya va Xitoy kabi davlatlarga eksport qilish rejalari muhokama qilindi.  

Sh.Suyarov, O‘zA