Ҳаддан ошиб кетган инфляция Лотин Америкасидаги иккита давлатнинг миллий валютасини девальвацияга олиб келиши мумкин. Бу ерда гап Бразилия ва Аргентина ҳақида кетмоқда, дейди "БКС Мир инвестиций" фонд бозори бўйича эксперт Евгений Миронюк "Прайм" агентлигига берган интервьюсида.

Унинг таъкидлашича, Бразилияда қаторасига ўн ойдирки инфляция икки хонали сонни қайд этмоқда. Бразилия реалининг девальвацияси эса манетар сиёсатнинг кучайтирилишига қарамай охирги йилда беш фоизни ташкил этган.  

Миронюкнинг таъкидлашича, Аргентина песоси курси ҳам рекорд даражада тушиб кетди. Ҳозир бир АҚШ долларига 130 песо берилаяпти, бироқ қора бозорда доллар икки баробар қиммат туради.   

Песонинг девальвацияси ўтган йил учун 35 фоизни ташкил этган, яқин 12 ойда янада тезлашади, дея хулоса қилди эксперт.