Бугун апрелнинг сўнгги куни, якшанба – Ўзбекистон халқи ҳаётида ўта муҳим ва тарихий воқеага айланган, келажагимизни белгилашга асос бўлган референдумда овоз бериш жараёни якунланди.

Кун давомида халқаро ташкилотлар, сайлов органлари ва хорижий давлатлардан жами 383 нафар аккредитациядан ўтган хорижий мутахассислар фуқароларимизнинг ҳудудларда ташкил этилган сайлов участкаларида референдумдаги иштирокини кузатиб боришди. ЎзА мухбирлари сиёсий воқеани шаффоф ва содда йўсинда ўтаётганина гувоҳ бўлган кузатувчилар билан суҳбатлашди.

Масалан, Туркий давлатлар парламент ассамблеяси миссияси аъзоси Казибек Исса “фуқаро – жамият – давлат” концепцияси асосида қурилган янги таҳрирдаги Конституция мамлакат тараққиёти, барқарорлиги йўлида хизмат қилишига ишонч билдирди.

Туркиялик меҳмон ташриф буюрган участкада кўпчилик қатори 85 ёшли бир онахон ҳам овоз берди. Жаноб Казибек Исса бу ҳолдан ҳайратга тушганини яширмади.

<iframe width="1536" height="754" src="https://www.youtube.com/embed/6pIkaJn362k" title="Эксперт: 85 ёшли фуқаро конституцион ҳуқуқидан фойдаланганидан ҳайратга тушдим" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Беҳруз Худойбердиев,

Дониёр Якубов (видео), ЎзА