Эксперимент: Биргина бемор бутун самолётни вирус билан заҳарлаши мумкинми?
Визуализация жараёни кўрсатдики, муайян қобиқдаги кенгликда вирус зарралари йўқолиб кетмайди, балки фюзеляжнинг ички томонидан итарилади ва ҳаво кемаси салонида айланишда давом этади.
АҚШдаги Пердью университети олимлари COVID вируси билан касалланган бир бемор самолёт саҳнидаги неча йўловчига қанча вақтда инфекция юқтириши мумкинлигини визуал тарзда намойиш этиб беришди. Бу ҳақда “РИА Новости” “New York Post” нашрига таяниб хабар тарқатган.
Тадқиқотчилар ва “Boeing” муҳандислари шартли равишда SARS вирусига чалинган одам мисолида пандемия шароитида самолёт бортида ҳаво айланишининг энг оптимал, қулай чизмасини тайёрлашди.
Визуализация жараёни кўрсатдики, муайян қобиқдаги кенгликда вирус зарралари йўқолиб кетмайди, балки фюзеляжнинг ички томонидан итарилади ва ҳаво кемаси салонида айланишда давом этади.
Олимлар “Boeing 767” русумли учоқда беш соатлик парвоз давомида етти қатордан иборат секцияда бир одамдан уч кишига вирус юқиш хавфи мавжудлигини аниқлашди. “Boeing 737” саҳнида эса ушбу кўрсаткич 1/5 нисбатга тенг экан.
Мутахассислар, шунингдек, салоннинг пастки қисмида ҳаво айланишини таъминлайдиган вентиляция тизими вирус юқиш хавфини энг камида ярмига қисқартиришини ҳам исботладилар.