Еуропа Кеңесінің Парламенттік Ассамблеясы (ЕКПА) Халықаралық Олимпиада комитетін (ХОК) ресейлік және беларусьтік спортшыларды 2024 жылы Парижде өтетін ойындарға бейтарап мәртебеде де жіберуден бас тартуға шақыратын қарар қабылдады,

ЕКПА хабарламасында, ресейлік және беларусь спортшыларының кез келген қатысуы «ойға сыймайды, ол сөзсіз үгіт-насихат құралы ретінде пайдаланылады және іс жүзінде басқа спортшылардың, бірінші кезекте украиналықтардың қатысуына кедергі жасайды», делінген.

28 наурызда ХОК Атқарушы комитеті халықаралық федерацияларға Арнайы әскери операцияны қолдамаған ресейлік және беларусь спортшыларына бейтарап спортшылар ретінде халықаралық жарыстарға қатысуға рұқсат беруді ұсынған еді. 

Ассамблея ХОК өкілдерін, сондай-ақ ұлттық және халықаралық спорт федерацияларын ХОК-тың ресейлік және белорус спортшыларына Парижде өтетін Олимпиада және Паралимпиадалық ойындарға бейтарап спортшылар ретінде қатысуға рұқсат беру туралы ұсынысына қарсылық білдіруге шақырған.